ثار طفلة


لازم نبجي

شي من ردنا الضحكة اندارت ..
واختارت واحد مناك !
أو ما بدلنا هموم البينا
أو سولفنا للي ما صدك
بس ظلينا ندور ثار
ناخذ ثار الدمعة الشاهت
او لمن ردت جانت تعرف وين الباب

أو ثار الطفلة الما عرفتني من رديت
مو كلتلها أنة الوالد كالت والدمن يا داد
كلتلها لج والد طفلة كبرت بلمنفى الغدار
جانت بغداد يخطفوها ويذبحوها وينَسوها
او جرس الفرصة دك جم مرة
وما كعدت جثتها أحاه

أو ثار الروح الهيسناها
مالت وانشبعت طعنات
بس مامالت صوب الشينة
مالت من جوع المايسوى
مدت بلشارع إصبعها
كالو .. جوع
سحبتها و صاحت لا ياب
هذا الاصبع يعني هنانة
يموت بنادم
يشبع صوج
او ما ينداس
او من دنكنا .. كالوا صَفَتْ
إي وك صفت هاك اصبعنا
استاد استاد استاد
باجر نبجي بيوم البسمة
جيف اتعودنا اعلى الثار